من طرف 
وش عاد لو طاحت الدمعة على خدي
قبلك بكيت الزمان وكل من حولي
تعبت أسامح خطايا الناس وأعدي
ماباقي الا بعد يخطي علي ّ زولي
أرجوك لاتنزل من عيوني أخاف
أكره حظورك في عيوني ولا أبيك
وأنا تعرفني يارجا الروح شفاف
لو سألوني عنك لابد أبكييييك !!
مثلك حزين وخاطري يالغلا شين
ومثلك بعد يانور عيني أحبك
لو تنطفي الدنيا انا أصير لك عين
وان طفشك نبض الوله صرت قلبك
مابقى الا البرد يا دافي الشوق
والله لا ولع ضلوعي عشانك
صحيح ماله ذوق يامنتهى الذوق
وشلون مايدفا عشانك زمانك
لا تلتفت في يوم لعيون مجروح
حتى ولو ضحى عشانك وشاريك
وان رفرفت بالحزن عصفورة الدوح
لاينثني غصنك لها ثم تبكيك
خل السوالف عنك لو ثرثر البوح
مال القصايد وزن لو جيت بشريك
وان قلت لي أروح لعيونك أروح
واسلم ايام الفرح بين اياديك
أنسى فديت عيونك السود مسموح
ماعاد باقي دمع وأبكي لياليك
الله عطاني حظ ياللاسف "لوح"
ياما رماني لعبة ٍ في شواطيك
ماني حزين الا الحزن صار لي روح
وتكذب ملامح وجهي ان قلت مابيك
وماني طفل لكن اذا كنت بتروح
أنا طفل والله متعلق ٍ فيك
